Vınsent van Gogtyń «Mýlen de la Galett» kartınasy bássaýdada keminde 10 mln. eýroǵa satylmaq
ASTANA. QazAqparat - Nıderlandydaǵy bássaýdany uıymdastyrýshylar Vınsent van Gogtyń «Mýlen de la Galett» kartınasynan keminde 10 mln. eýro túsim almaq, dep habarlady ITAR-TASS gollandtyq ANP jańalyqtar agenttigine silteme jasap.
Bul polotno 1965 jyldan beri kópshilik nazaryna usynylmaǵan bolatyn, endi ol Maastrıhte 14-23 naýryz kúnderi ótetin Eýropalyq beıneleý óneri kórmesi barysynda satýǵa qoıylmaq.
Kartınada Parıjdegi «Mýlen de la Galett» jel dıirmeni beınelengen. Van Gog ony 1886 jyly frantsýz astanasynda turǵan kezinde salǵan. Sońǵy elý jylda óner týyndysy jeke kollektsıonerlerde qoldan qolǵa ótken.
«Satylymǵa ataqty sheberdiń osyndaı tanymal kartınasynyń shyǵarylýy sırek qubylys», - dep atap ótti aty-jóni aıtylmaǵan kollektsıonerdiń atynan saýda-sattyqty uıymdastyrýshy dıler Djeıms Dıkınson. Onyń aıtýynsha, Parıjde turǵan kezinde Vınsent van Gog «Mýlen de la Galett» jel dıirmeni beınelengen kartınalar serııasyn salǵan, al bul polotno búginde jeke qorda saqtalyp kelgen eki shyǵarmanyń biri.
