Vınokýrovtyń velosıpedi tórt jastaǵy qyz balanyń aıaǵyn aman alyp qaldy
Mılenanyń aıaq súıegi qatty ózgergen, týǵannan tobyǵy bolmaǵan, sonyń saldarynan ol júre almaıtyn. 2012 jyldyń qazan aıynda Qorǵan qalasynda oǵan ota jasalyp, jarty jyl emdelgennen keıin otbasymen Qazaqstanǵa oraldy. Mılenaǵa taǵy birneshe saýyqtyrý kýrsyn ótýge týra keledi, biraq dárigerler bári jaqsy bolady dep boljap otyr.
"Qazir Mılena qabyrǵaǵa nemese ata-anasyna súıenip, aqyryndap júre bastady, - deıdi "Dom" qaıyrymdylyq qorynyń úılestirýshisi Galına Kvetkına. - Eger ýaqytynda ota jasalmaǵanda, onyń eki aıaǵyn da kesip alyp tastaýǵa týra keletin edi".
Sondaı-aq, Aısha Beksultannyń da qaly jaqsaryp keledi, qyz balanyń júreginde aqaýy bolǵan, oǵan Ýkraınada ota jasalyp, jaqynda elge oraldy. Taǵy sondaı júrek aqaýy bar Aıaýlym Qurbanovaǵa da oıdaǵydaı ota jasaldy. Taǵy tórt balany emdeýdi QR Densaýlyq saqtaý mınıstrligi óz baqylaýyna alyp otyr.
Esterińizge sala keteıik, 2012 jyldyń qyrkúıek aıynda London Olımpıadasynyń chempıony Aleksandr Vınokýrov sol aıtýly saıysta jeńiske jetken velosıpedin aýktsıonǵa qoıǵan bolatyn. Toptamany Tak Group kompanııasy 243 myń dollarǵa satyp aldy, sondaı-aq, sportshynyń kıimi jáne "Astana" velokomandasynyń kerek-jaraqtar jıyntyǵy satyldy. Satýdan túsken barlyq qarajat naýqas balalardy emdeýge jumsaldy. Vınokýrovtyń ókilderi balalar jiberilgen emdeý oryndaryna qajetti somalardy tikeleı tólep berdi.