«Vınokýrov-Kolobnev isine» qatysty sot aldaǵy jyly ótedi
ASTANA. 16 qarasha. QazAqparat - Aleksandr Vınokýrov pen Kolobnev isine qatysty sot keler jyly 7 qańtar kúni ótedi.
Bul týraly Halyqaralyq velosport qaýymdastyǵy málimdedi, dep habarlaıdy alaman.kz.
Al 22 qarasha kúni aldyn ala tyńdaý ótedi. Bul kúni otyrysqa velosportshylardyń advokattary men «Astana», «Katıýsha» komandalarynyń ókilderi qatysady. Al 7 qańtar kúngi sotqa eki sportshynyń kelýi mindetti.
Esterińizge sala keteıik, 24.kz Aleksandr Vınokýrov «jeńisti satyp aldy» dep aıyptalyp jatqandyǵyn habarlaǵan bolatyn. Italııanyń quqyq qorǵaýshylary Olımpıada chempıony Aleksandr Vınokýrovty «para berdi» dep aıyptap otyr. Olardyń pikirinshe, 2010 jylǵy «Lej-Baston-Lej» velojarysyndaǵy qazaqstandyq shabandozdyń jeńisi aldyn ala kelisilgen. Olımpıada chempıony Aleksandr Vınokýrov tóńireginde daý shyqty. Italııanyń Padýı qalasynyń quqyq qorǵaý qyzmetkerleri qazaqstandyq sańlaqtyń 2010 jylǵy «Lej-Baston-Lej» birkúndik velojarystaǵy jeńisi satyp alyndy degen pikirde. Jergilikti prokýratýra Vınokýrovtyń reseılik sportshy Aleksandr Kolobnevpen 150 myń eýroǵa kelisip, Shveıtsarııa banki arqyly ýáde etilgen aqshany aýdarǵany týraly naqty dáıekterdi alǵa tartyp otyr. Qazir tergeý júrgizilip jatyr. Bul dodada márege Vınokýrov birinshi, al Kolobnev ekinshi bolyp kelgen edi.
