Vınısıýs Jýnıor FIFA-nyń The Best premııasynda 2024 jyldyń úzdik oıynshysy atandy

ASTANA. KAZINFORM — Fýtboldan Brazılııa quramasy jáne ıspanııalyq «Real Madrıd» komandasynyń shabýylshysy Vınısıýs Jýnıor FIFA-nyń The Best premııasynda 2024 jyldyń úzdik oıynshysy atandy.

Bul boıynsha álemdegi ulttyq qurama bapkerleri men kapıtandary, jankúıerler men BAQ ókilderi daýys berdi. Oǵan árbir úmitkerdiń 2023 jylǵy 21 tamyz ben 2024 jylǵy 10 tamyz aralyǵyndaǵy oıyn nátıjesi esepteldi.

Vınısıýs Jýnıor atalǵan premııaǵa úmitkerler qatarynda bolǵan Djýd Bellıngem, Kılıan Mbappe, Danıel Karvahal, Federıko Valverde (barlyǵy — «Real» Madrıd), Lıonel Messı («Inter Maıamı»), Lamın ıAmal («Barselona»), Erlıng Holand, Rodrı (ekeýi — «Manchester Sıtı»), Florıan Vırts («Baıer») jáne mansabyn aıaqtaǵan Tonı Kroosty artta qaldyrdy.

Aıta ketsek, budan buryn 2025 jylǵy klýbtar arasyndaǵy álem chempıonatynyń jerebesi tartyldy. Saltanatty rásim AQSh-tyń Maıamı qalasynda ótti. Dúbirli dodada baq synaıtyn 32 komanda tórt-tórtten toptarǵa bólindi. Árbir toptan úzdik eki klýb 1/8 fınalǵa joldama alady.