Vınchentso Nıbalı «Týr de Franstyń» segizinshi kezeńinde úshinshi bolyp keldi
ASTANA. QazAqparat - «Týr de Franstyń» segizinshi kezeńinde «Astana» velokomandasynyń kapıtany Vınchentso Nıbalı úshinshi bolyp keldi, al bul kezeńde «AG2R» klýbynan frantsýz Blel Kadrı jeńiske jetti, dep habarlady astanafans.com portaly.
Uzyndyǵy 161 shaqyrymdyq segizinshi kezeńde «AG2R» klýbynan frantsýz Blel Kadrı birinshi bolyp keldi, al 2 mınýt 17 sekýndtan keıin 2007 jáne 2009 jyldardaǵy «Týr de Franstyń» eki dúrkin jeńimpazy - «Tinkoff-Saxo» komandasynan Alberto Kontador jáne «Astana» kapıtany ıtalıandyq Vınchentso Nıbalı keldi. Tórtinshi bolyp avstralııalyq Rıchchı Port márege jetti. «Astananyń» taǵy bir ókili jalpy esepte ekinshi orynda kele jatqan ıAkob Fýglsang jeńimpazdan 4 mınýtqa utylyp, 29-orynda máre syzyǵyn kesti.
