Vınchentso Nıbalı: Sońǵy serpilis jasaǵan sátimde máre syzyǵyn kórdim
ASTANA. QazAqparat - «Astana» kapıtany Vınchentso Nıbalı «Coppa Bernocchi» jarysyndaǵy jeńisine túsinikteme berip ótti.
«Bar kúshimdi jınap, sońǵy serpilis jasaǵan sátimde máre syzyǵyn kórdim», - dedi Vınchentso Nıbalı «Coppa Bernocchi»-gi jeńisinen keıin.
Nıbalı taǵy basqa bes veloshabandozben birge Mılannan soltústikke qaraı Valle Olona sheńberinde sońǵynyń aldyndaǵy aınalymda jyldamdyqty údetti.
Olar 30 shaqyrymnan astam qashyqtyqtan ótip, ózderine jete almaǵan negizgi topqa qaraǵanda 30-40 sekýndtyq basymdyqqa ıe boldy.
Nıbalı jarystyń sońǵy shaqyrymynda qasyndaǵy topty artqa tastap Lenıanodaǵy márege birinshi bolyp keldi, dep habarlaıdy sports. kz.
