Vınchentso Nıbalı: «Qarsylastarymnan qara úzip ketemin dep oılaǵan joqpyn»
ASTANA. QazAqparat - Vınchentso Nıbalı «Týr de Franstyń» 5-shi týrynan keıin negizgi qarsylastaryn shań qaptyryp, jalpy eseptegi kóshbasshylyǵyn nyǵaıtatynyn oılamaǵan. Bul týraly ol búgin tilshilerge bergen suhbatynda málim etti.
Munyń aldynda habarlaǵanymyzdaı, «Astana» komandasynyń kapıtany Vınchentso Nıbalı jáne onyń komandalasy ıAkob Fýlsang bul týrda 2-shi jáne 3-shi oryndarda kelgen bolatyn. Osy jeńisinen keıin Nıbalı jalpy eseptegi birinshi ornyn saqtap qana qoımaı, ony nyǵaıta tússe, ıAkob Fýlsang ekinshi orynǵa jaıǵasty. Sóıtip «Astana» veloklýby jalpy komandalyq esepte kósh bastady. Al olardyń qarsylastarynyń biri Alberto Kontador úsh mınýtqa jýyq ýaqytqa qalyp keledi.
«Men bul kezeńde qarsylastardan uzap ketýge múmkindik baryn bildim, biraq osynshama qara úzip ketemin dep oılamappyn», - dep keltiredi AFP V.Nıbalıdiń sózderin. - Óte saq bolýǵa tyrystym, degenmen jarys barysyndaǵy jaǵdaılar jyldam ózgerip otyrdy. Bul asa aýyr kezeń boldy. Buǵan deıin mundaı kezeńderden ótip kórmeppin. Barlyq komandaǵa alǵys aıtamyn. ıAkob Fýlsang tamasha eńbek etti".
