Vıntsentso Nıbalıdiń 2015 jyly qandaı jarystarǵa qatysatyny belgili boldy
ASTANA. QazAqparat - Velonews.competitor.com aqparatynsha, Astana kapıtany jarys maýsymyn 4 aqpanda Dýbaıda bastaıdy, keıin aqpannyń ortasynda «Oman Týryna» attanady.
Eýropada Vınchentso Nıbalı Tırreno - Adrıatıkoǵa qatysady. Keıin naýryz aıynda Mılan - San-Remoda baq synaıdy. Sońyra Ardennsk klassıkterinde: Amstel Gold Reıs jáne Lej - Baston - Lejge barady.
«Ardennsk klassıkteri men «Týr de Frans» arasyndaǵy kúntizbe aıqyndalmady. Týrǵa, árıne, qatysady, alaıda kelesi «Djıro d'Italııada» sheberligin kórsetýi ekitalaı», - dedi «Astana» velokomandasynyń ókili.
Italıandyq BAQ-ta Nıbalıdiń «Djıro» synyna qatysý múmkindigi jazyldy. Onda qatyssa ol Alberto Kontadormen básekelespek («Tınkoff-Sakso»).
Onyń «Týrǵa» daıyndyǵy ótken jylǵymen uqsas. Alaıda jarys kúnderi azdaý. Nıbalı bıyl Rıchmondta (Vırdjınııa, AQSh) ótetin álem chempıonatynda jaqsy jetistiktrerge qol jetkizýge nıetti. «Dofınege» kelý múmkindigi joǵary.
Ótken jyly qańtarda Nıbalı alǵash ret «San-Lýıs Týryna» qatysqan, sáýirde «Romandııa Týryna» barǵan. Bıyl bul eki jarys kúntizbeden syzyldy.
