Vıllı Monro: «Kanelo» Golovkındi jeńedi dep oılaımyn»
ASTANA. QazAqparat - Orta salmaqtaǵy álim chempıony tıtýlyna burynǵy úmitker, amerıkandyq kishi Vıllı Monro qazaqstandyq Gennadıı Golovkın men Meksıka boksshysy Saýl «Kanelo» Alvarestiń arasynda kútilip otyrǵan jekpe-jekte basymdyqty sońǵysyna berip otyr, dep jazady sports.kz.
«Golovkınniń kúshi mol ári seni qaıda jáne qalaı soǵý kerektigin jaqsy biledi. Aıqas aldynda maǵan onyń eki búıirden qatty soqqylaıtyny týraly aıtqan bolatyn. Ol meniń kóp qozǵalatynymdy bilgen, sondyqtan oǵan meni jyldamdyqtan aıyrý ǵana qajet edi. Úshinshi raýndta men oń jaq aıaǵymdy sezinýden aıyryldym. Al «Kanelomen» judyryqtasýǵa keletin bolsaq, Golovkınge qarsy aıtar sózim joq, ol - tamasha boksshy, biraq men «Kanelo» jeńedi dep oılaımyn. Golovkın ortasha qashyqtyqta soqqylaıtyn boksshy bolyp tabylady. Al jaqyn qashyqtyqta «Kanelo» asa myqty, onyń qorǵanys daǵdylary da tamasha», - deıdi Monro.
