«Vılıarrealmen» ótken oıyn bizge úlken sabaq boldy - «Astana» bapkeri
ASTANA. QazAqparat - Ispanııalyq «Vılıarrealmen» bolǵan kezdesý «Astana» fýtbol klýby úshin úlken sabaq boldy. Matchtan keıingi baspasóz máslıhatynda komandanyń bas bapkeri Stanımır Stoılov osylaı dedi.
«Búgin biz barlyq kúshimizdi oıynǵa jiberdik. Jeńiske degen qushtarlyq ta, minez de, rýh ta boldy. Biz óz múmkindigimizdiń eń joǵary shegine jettik. Bizde kóp ońtaıly jaǵdaılar boldy gol salatyn, degenmen ony júzege asyra almadyq. Jalpy oıyn joǵary deńgeıde ótti. Biz óte myqty komandamen oınadyq. Bul - biz úshin lken sabaq. Sonymen qatar, men qazylarǵa kóńilim tolmady. Oıynnyń basynda ol eki sary qaǵaz kórsetti birden. Bul da áser etti» , - dedi ol.
S. Stoılov «Astana» men «Vılıarreal» arasyndaǵy teketireske áli núkte qoıylǵan joq dep otyr. «Ispanııada qarymta match ótkizemiz. Biz jan salyp oınaıtyn bolamyz. Oıynda barlyǵy múmkin», - dep atap ótti bapker. Sondaı-aq bolgarlyq maman qazaqstandyq jankúıerlerge dán rızashylyǵyn bildirýdi umytpady.
«Komandany osynshama kóp jankúıerler kelgeni keremet boldy. Búgin halyq fýtboldy súıetindigin kórsetti. Bul Astana úshin, Qazaqstan úshin meıram boleany sózsiz. Fýtbolshylar bar kúshin saldy, tyrysty. Jeńilermiz, biraq jeńiske umtylǵan saıyn, bizdi qoldaýshylar kóbeı túspek», - deıdi S. Stoılov.
