«Vılıarreal» «Astana Arenada» jattyǵý ótkizdi (FOTO)
ASTANA. QazAqparat - "Vılıarreal" komandasy "Astana Arenada" match aldynda jattyǵý ótkizdi.
Ispanııalyq fýtbolshylar azdap et qyzdyryp alǵan soń, jup-jupqa bólinip, doppen jumys isteýdi bastap ketti. Keıin oıynshylar eki topqa iriktelip, "sharshy" atty saıysqa tústi.
Tilshilerdiń bar nazary jaqynda ǵana aıaqtalǵan Álem chempıonatynyń qatysýshysy - Meksıka komandasynda shabýyl ótinde bolǵan kóshbasshy Djovannı Dos Santos pen Reseı quramasynyń fýtbolshysy Denıs Cheryshevte boldy. Jarty saǵat ótkennen keıin tilshiler shyǵýǵa májbúr boldy, sebebi "Vılıarreal" "Astanaǵa" qarsy taktıkany mashyqtaýǵa kirisýi tıis bolatyn. Eske sala keteıik, erteń "Astana" men "Vılıarreal" Eýropa Lıgasynyń pleı-off syny aıasynda kezdesý ótkizedi. Qarymta match Ispanııada 28 tamyzda ótedi.
