Vılnıýstegi NATO sammıti qaýipsizdik sharalarynyń joǵary deńgeıinde ótedi

BRıÝSSELЬ. QazAqparat – Búgin Lıtva astanasynda NATO-nyń eki kúndik sammıti ótedi. Eýropalyq BAQ Soltústik Atlant alıansyna múshe elderdiń kezdesýiniń qaýipsizdigi joǵary deńgeıge bolatynyn atap ótti, dep habarlaıdy QazAqparat menshikt tilshisi.

Joǵary deńgeıdegi shara Lıtva kórme jáne kongress ortalyǵynda (LITEXPO) ótedi. Soǵan qaramastan jergilikti polıtsııa men qaýipsizdik qyzmeti qala boıynsha qatań qaýipsizdik sharasyn engizdi. Biraq, LITEXPO mańynda eń qatań qaýipsizdik sharasy qabyldanady.

Vılnıýs áýejaıynda jáne qalanyń basqa da iri kólik toraptarynda, sonyń ishinde temirjol vokzaldarynda qosymsha baqylaý sharalary engizildi. Bılik 7 shildeden 13 shildege deıin EO ishki shekaralarynda jeke basyn tekserý engizip, Shengen erkin qozǵalys erejelerin toqtatqanyn jarııalady.

NATO-ǵa múshe birneshe el sammıttiń qaýipsizdigin qamtamasyz etý úshin barlyǵy myńǵa jýyq áskerı qyzmetshi men áýe qorǵanysynyń ozyq júıelerin usyndy. Sondaı-aq, Vılnıýs áýejaıynyń janyndaǵy «Patrıot» áýe qorǵanysynyń segiz qondyrǵysy týraly habarlandy.

Jaýyngerlik tehnıkadan basqa, hımııalyq, bıologııalyq, radıologııalyq jáne ıadrolyq shabýyldarmen kúresý úshin de qarajat jiberildi.

Arnur Rahymbekov