Vılnıýste adam súıekteri salynǵan 9 qap tabyldy
ASTANA. QazAqparat - Lıtvanyń Vılnıýs qalasyndaǵy kóne aýdandarynyń birinde adam súıekteri salynǵan 9 qap tabyldy. Bul Irytas.lt saıty habarlady.
Quqyq qorǵaý organdaryna úıler arasynan súıekter salynǵan qaptar tabylǵanyn aıtyp, jergilikti turǵyn júgindi. Polıtseıler ýchaskeni tekserip, áıeldiń shyndyqty aıtqanyna kózderin jetkizdi.
Súıekter qurylys qaldyqtarymen birgen qapqa salynypty. Bul jer ýchaskesi 2015 jyly jeke menshikke satyp alynǵan. Onda qurylys jumystary bastalǵan. Keıinnen qurylys jumystary toqtatyldy.
Budan buryn atalǵan orynnan adam súıekteri tabylǵan. Óıtkeni bul jer burynǵy zırattyń orny bolyp shyqqan.
2016 jylǵy maýsymda Vılnıýste arheologtar Ekinshi dúnıejúzilik soǵys ýaqytynda ultshyldar jappaı kisi óltirgen orynda jerasty tonnelin tapqan. Jerasty jolyn 1944 jyly jazasyn óteýshiler qasyqpen qazǵan. Sol jyly sáýirde olar qashyp ketýge árekettengen. Jer asty arqyly 40 adam ótip, 11-i ormanda jasyrynyp, keıinnen partızandar qataryna kirgen. Qalǵandaryn ultshyldar ustap, atyp tastaǵan.
