Vıktorııa Zıabkına Grekııadaǵy halyqaralyq jarysta kúmis júlde ıelendi
ASTANA. QazAqparat - Elimizdegi eń úzdik sprınterlerdiń biri Vıktorııa Zıabkına Grekııada ótken Chania Invitational saıysynda 200 metrge júgirýde ekinshi oryn aldy, dep habarlaıdy QazAqparat Qazaqstannyń jeńil atletıka federatsııasyna silteme jasap.
25 jastaǵy jelaıaq bıylǵy jyly Altay athletics klýbynyń músheligine ótken bolatyn. Shyǵys Qazaqstan oblysynda qurylǵan kásibı jeńil atletıka klýby sportshylardy halyqaralyq jarystarǵa qatystyrýdy jalǵastyryp jatyr.
Zıabkına aldaǵy kúnderi taǵy eki saıysta óner kórsetedi: 9 maýsym kúni - Kalamata Invitational; 13 maýsymda - Filathei Gala Athens.
Budan keıin qazaqstandyq sprınter Shveıtsarııaǵa attanady. 16 maýsymda Bern qalasynda ótetin halyqaralyq jarysqa qatysady.
Vıktorııa osynyń aldynda Latvııa astanasyndaǵy Rıga kýbogynda eki qashyqtyq boıynsha baq synap, qos kúmis júldege ıe bolǵan. Aldymen 100 metrdi 11,36 sekýndta júgirip ótse, 200 metrdi 23,37 sekýndta baǵyndyrǵan. Grekııadaǵy Chania Invitational týrnırinde 200 metrdegi nátıjesi 0,2 sekýndqa jaqsartyp, jelaıaq márege 23,35 sekýndta jetti.
