Vıktorııa Nýland: AQSh Belarýspen qarym-qatynasyn túzeýge daıyn
ASTANA. QazAqparat - AQSh Belarýs Respýblıkasymen qarym-qatynasyn jaqsartýǵa daıyn, biraq ol eldiń úkimetine, ásirese quqyq qorǵaý salasyna qatysty shaǵymdar men qoıylǵan talaptardan bas tartpaıdy, dedi Vashıngtondaǵy Amerıka kásipkerler ınstıtýtynda sóılegen sózinde AQSh memlekettik hatshysynyń salalyq kómekshisi Vıktorııa Nýland.
«Qyrkúıek aıynda BUU Bas Assambleıasynda Belarýs premer-mınıstrimen kezdeskende men oǵan Mınsk qalasyn kelisimder sımvolyna aınaldyryp, el úkimetiniń kóp ıgi is jasaǵanyn aıttym», - dedi ol.
«Biz Belarýs elindegi quqyq qorǵaý ahýalyn jaqsartý úshin odan da jyly ári birikken qarym-qatynastarǵa daıynbyz. Belarýs úkimetine birqatar naqty oılarymyzdy aıttyq. Endi ol jaqta vızalardy qaıtadan ózara tıimdi negizde bere bastadyq», - dep jalǵastyrdy Nýland.
«Biraq, barlyǵy basshylyqtyń qolynda. Elin ashyqtyq pen demokratııaǵa bastar nıetke baılanysty. Árıne, biz oǵan qoldaý tanytýǵa daıynbyz», - dep qorytyndylady óz pikirin dıplomat.
