Vıktorııa Grafeeva Brazılııadaǵy álem kýbogynyń jartylaı fınalyna joldama aldy
ASTANA. KAZINFORM – World Boxing federatsııasynyń uıymdastyrýymen ótip jatqan álem kýbogynda kezekti aıqasyn ótkizgen Vıktorııa Grafeeva (51 keli) jartylaı fınalǵa ótti.
60 keli salmaqta synǵa túsken otandasymyz shırek fınaldyq aıqasta kanadalyq boksshy Marı al Ahmadıdi aıqyn basymdylyqpen (5:0 esebimen) jeńdi.
Endi kúndizgi sessııada 70 kelide qazaqstandyq boksshy Farýh Toqtasynov ázerbaıjandyq Nabı Isgandarovpen sharshy alańǵa shyǵady. Sondaı-aq 85 kelide Sultanbek Aıbaruly ıtalııalyq boksshy Paolo Karýsomen jartylaı fınal joldamasyn sarapqa salady.
Aıta keteıik, Fos-dý-Igýasý qalasyndaǵy baıraqty báseke 26 sáýirge deıin jalǵasady.
Eske sala keteıik, buǵan deıin Brazılııada ótip jatqan álem kýbogynda búgin qansha qazaqstandyq boksshy sharshy alańǵa shyǵatynyn jazǵan edik.
