Vıktorııa Ganıanyń ólimi isine qatysty sot úderisi 26 qańtarǵa josparlandy
QOSTANAI. QazAqparat - Búgin Qostanaı oblysynyń qylmystyq ister boıynsha mamandandyrylǵan sotynda kámelet jasqa tolmaǵan Vıktorııa Ganıanyń ólimi boıynsha istiń aldyn ala tyńdalymy ótti, dep habarlady sottyń baspasóz qyzmetinen.
Aıyptalýshy - 31 jastaǵy Qostanaı turǵyny Denıs Lesnıkov. Sonymen qatar ol taǵy tórt adamdy óltirý, eki zorlaý jáne urlyq faktileri boıynsha aıyptalýda.
Sonyń ishinde - balany óltirgeni úshin Lesnıkovqa QR QK myna baptary boıynsha aıyp taǵyldy: 125 bap 2 bólim (adam urlyǵy), 121 bap 4 bólim (zorlyq-zombylyq áreket), 120 baby 4 bólimi (zorlaý), 96 bap 2 bólim (adam óltirý).
Ózge qylmystardy esepke alǵanda Lesnıkovqa QR QK-niń 17 baby boıynsha aıyp taǵyldy. Olardyń keıbireýleri asa qatygezdikpen jasaldy dep sanalady.
Qostanaı oblysynyń qylmystyq ister boıynsha mamandandyrylǵan sotynda istiń aldyn ala tyńdalymynyń qorytyndysy boıynsha sottyń isti qaraýyn 26 qańtarǵa taǵaıyndaý sheshimi qabyldandy, dep habarlady sottyń baspasóz hatshysy Sholpan Qasymova.
Ol sottyń zańnamaǵa sáıkes jabyq rejimde ótetinin habarlady. Bul japa shekkenderdiń jeke ómirleriniń qupııasyn saqtaý men qylmys kámelettik jasqa tolmaǵan qyzǵa jasalǵanyna baılanysty.
