Vıktorııa Bekhem AITV-ǵa shaldyqqan naýqastarǵa kómek qolyn sozdy
ASTANA. QazAqparat - Vıktorııa Bekhem AITV ınfektsııasyna shaldyqqan analardy qoldaýshy uıymǵa kómektesý úshin óz garderobynyń bir bóligin berdi. Vıktorııanyń 600 áshekeıli kıimi bássaýdaǵa shyǵarylady. Satylymnan túsken qarjyǵa AITV-ǵa shaldyqqandarǵa jumys tabýǵa, jalǵyzbasty analarǵa balalaryn ósirýge kómek kórsetiledi.
Bekhem garderoby úlken bolsa da, ondaǵy ár kıimniń ol úshin orny bólek ekenin aıtty, dep habarlady Myjane portaly.
«Meniń garderobymdy qaraǵan kezde, men kóp kúldim. Sebebi bul kıimder - men úshin, Devıd pen balalar úshin qymbat qanshama estelik. Mundaǵy kózdiń jaýyn alar kıimderdiń kóbin men úshin talantty dızaınerler jasaǵan. Maǵan olardy kıgen unaıtyn», - deıdi ol. Endi bul zattardyń bári oǵan muqtaj adamdar úshin paıdaly bolmaq.
