Vıktor ıÝşenkoǵa qarsy alǵashqy aıyptaýlar aıtyla bastady
ASTANA. Aqpannyń 26-sy. QazAqparat - Ýkraınanyń Kommýnıstik partııasy Vıktor ıÝshenkonyń prezıdent kezindegi qyzmetin tekserý bastamasyn kótermek. Bul týraly partııa jetekshisi Vıktor Sımonenko uıymnyń resmı saıtynda jarııalanǵan málimdemesinde aıtty,
dep habarlaıdy RBK agenttigi.
Kommýnısterdiń pikirinshe, kesheden beri Ýkraınanyń eks-prezıdenti atanyp otyrǵan Vıktor ıÝşenko qarý-jaraqtyń zańsyz saýdasyna, kásiporyndardyń reıderlik jekeshelendirilýine, jer telimderin basyp alýǵa qoldaý kórsetken. Oǵan qosa V.ıÝşenko ultshyldardyń qoltyǵyna sý búrikti dep aıyptalyp otyr.
P.Sımonenko, kompartııanyń prezıdentke ımpıchment jarııalaý jáne jaýapqa tartý máselesin birneshe ret kótergenin atap kórsetti. «Biraq ta, V.ıÝşenko prezıdentke qolsuqpaýshylyqty paıdalanyp, jaýapkershilikten qutylyp ketip otyrdy», deıdi P.Sımonenko.
Endi ondaı tosqaýyl joq, eks-prezıdent bılik júrgizgen kezindegi «saıası jáne áleýmettik genotsıdi úshin» Ýkraına halqynyń aldynda jaýap bere alady, dep sanaıdy kompartııa jetekshisi P.Sımonenko.
Munyń V.ıÝşenkonyń atyna aıtylyp otyrǵan birinshi aıyptaý emes ekenin, eks-prezıdenttiń «kózine shuqıtyn» áli de biraz máseleler bar ekenin aıta ketý kerek. Atap aıtqanda, onyń Stepan Banderaǵa Ýkraına batyry ataǵyn berý týraly sońǵy saıası sheshimderiniń biri úlken pikirtalas týǵyzǵan bolatyn.
