Vıktor ıAnýkovıch Nobeldik syılyqqa usynyldy
ASTANA. Mamyrdyń 12-si. QazAqparat - Aımaqtar partııasynyń múshesi Valerıı Bandıýk Ýkraına Prezıdenti Vıktor ıAnýkovıchti Nobeldik álem syılyǵyna usyný týraly usynys jasady.
Onyń pikirinshe, Qyrymda Qara teńiz flotynyń qalý merzimin uzartý týraly kelisimshartqa qol qoıyp, Reseı tarapynan biraz jeńildikterge qol jetkizgen prezıdent «tamasha dıplomatııalyq jeńisi úshin» osyndaı joǵarǵy nagradaǵa laıyq.
«Onsyz da avtomatty túrde kúshi jalǵasa beretin kelisimshartty uzartqany úshin Reseı tarapynan munshalyqty qarjylaı jeńildikter alý, úlken maqtaýǵa turarlyq áreket. Aımaqtar partııasynyń depýtattar toby Ýkraınanyń qoǵamdyq uıymdarymen birlesip, Ýkraına Prezıdentin Nobeldik laýreat ataǵyna usynatyn qujattardy ázirleýde», - dep habarlady Bandıýk óz málimdemesinde. Aımaqtar partııasy bul bastamany Ýkraınanyń barlyq halqy qoldaıtynyna senimdi, dep habarlaıdy RSN agenttigi.
