Vıktor Tsoıdyń uly ákesine arnap klıp shyǵardy

ASTANA. KAZINFORM – 15 mamyrda Aleksandr Tsoıdyń YouTube arnasynda onyń «Meniń (joq) bóligim» ánine beınebaıannyń premerasy ótti. Beıne tizbegi 1989 jáne 1990 jyldary onyń ákesi, «Kıno» tobynyń ánshisi Vıktor Tsoı túsirgen muraǵattyq beınelerden óńdelgen. Bul estelikter buryn-sońdy eshqaıda jarııalanǵan joq. Bul týraly RBK jazdy. 

«Bul qandaı án, kimdi shaqyrýym kerek? Meniń kompıýterimde saqtalǵan ákemniń taspasyndaǵy bul kadrlarmen ne isteýim kerek» dep bir sát oılandym», - deıdi Aleksandr Tsoı «Fontankaǵa». 

Al VKontakte jelisindegi paraqshasynda 38 jastaǵy ánshi bul beınede «onyń ornynda basqa eshkim bola almaıtynyn» moıyndady.

Kadrlarda ánshiniń balalyq shaǵy sondaı-aq birneshe ret Tsoıdyń ulynyń ánine gıtara men perne bólikterin jazǵan rok-tobynyń jetekshi gıtarısti ıÝrıı Kasparıannyń ózi kórinedi. Vıktor Tsoı 1990 jyly 15 tamyzda qaıtys bolarynyń aldynda saıajaıǵa barǵan saıahatyn, AQSh-qa saparyn jáne Latvııadaǵy demalysyn vıdeoǵa túsirip alǵan.

Ánniń sózi men mýzykasyn Aleksandr Tsoı jazǵan. Beınejazbanyń avtorlary qatarynda operatordyń Vıktor Tsoı ekenin kórsetedi. Otbasylyq muraǵatty «Sobchak isi» jáne «Bı-2. Oqıǵalar kókjıegi. Documentary» derekti fılmderiniń operatory Danııl Salhov montajdady. 

Shyǵarma kishi Tsoıdyń «Naqty oqıǵalarǵa negizdelgen» albomyna endi. Albom 2023 jyldyń qarasha aıynyń ortasynda barlyq strımıngtik platformalarda shyǵaryldy.

Vıdeo: Sasha Tsoı, Danııl Salhov.