Vıktor Mozes «Qaısar» komandasynyń qataryna qosyldy
ASTANA. KAZINFORM – Qyzylordalyq «Qaısar» fýtbol klýby tanymal fýtbolshy Vıktor Mozespen kelisimshartqa qol qoıǵanyn málimdedi.
Qos tarap arasyndaǵy kelisimshart 1+1 júıesinde jasaldy. Tájirıbeli aıaqdopshy sapynda 11 nómermen óner kórsetedi.
Vıktor Mozes 1990 jyly Nıgerııanyń Lagos qalasynda dúnıege kelgen. Anglııanyń «Krıstal Pelas» komandasynyń túlegi aldymen sol klýbta 2007 jyly mansabyn bastap, odan keıin «Ýıgan Atletık», «Chelsı», «Lıverpýl», «Stok sıtı», «Vest Hem ıÝnaıted», «Lýton Taýn», Túrkııanyń «Fenerbahche», Italııanyń «Inter», Reseıdiń «Spartak» klýbtarynda dop tepken. 2012-2018 jyldary Nıgerııa ulttyq quramasynyń namysyn qorǵady.
Aıta ketsek, osyǵan deıin Mozes aǵylshyndyq Lýton Taýn komandasynda 18 oıyn ótkizip, shilde aıynda atalǵan klýbtan ketti.
Eske sala keteıik, budan buryn Qazaqstan UEFA reıtıngindegi burynǵy ornyn saqtap qalǵanyn jazǵanbyz.