Vıktor Hrapýnovtyń sybaılastary jazadan qutylýy múmkin

ALMATY. QazAqparat - Almatyda eks-ákim Vıktor Hrapýnovtyń isine qatysty sottyń jaryssózi barysynda prokýror 9 sottalýshyǵa qatysty jaza belgileýdi surady, dep habarlaıdy QazAqparat tilshisi.

Prokýror tergeýmen mámilege kelip, aıybyn moıyndaǵany úshin ıAkov Zaıats pen basqa da 8 aıyptalýshyǵa qatysty óndiristik isti toqtatýdy surady.

Onyń aıtýynsha, aıyptaý merziminiń ýaqyty ótip ketken. ıAkov Zaıats QR QK 307-babynyń 2-bólimimen laýazymdyq ýákilettiligin asyra paıdalandy dep aıyptalǵan bolatyn.

Odan bólek  Qýandyq Beksultanov, Altaı Qasymov, Abaı Saparov, Serık Esmuhanov, Aııar Ilıasov, Aınakúl Sadyqbaeva, Abdýl-Ǵazız Muqashev, Abylaıhan Qarymsaqov, Ǵabıden Qaıymsultanovtar sot aldynda jaýap bergen bolatyn. Bul adamdardyń barlyǵy kezinde Hrapýnovtar otbasymen iskerlik qatynasta bolǵan.

Munyń aldynda memlekettik aıyptaýshy Vıktor Hrapýnovty 20 jylǵa, onyń jary Leıla Hrapýnovany 17 jylǵa, Aııar Іlııasovty 8 jylǵa  bas bostandyǵynan aıyrýdy suraǵan bolatyn. 

Aıta ketý kerek, erli-zaıypty Hrapýnovtarǵa memleket múlkin tonady, alaıaqtyq jasady, qyzmettik laýazymyn asyra paıdalandy, para alyp, uıymdasqan qylmystyq top qurdy degen aıyp taǵylǵan bolatyn.

Olardyń memleketke keltirgen shyǵyny 250 mln dollarǵa baǵalandy.