Vıktor Hrapýnov áıelimen ajyrasty
ASTANA. QazAqparat - Almatynyń eks-ákiminiń áıelimen nekesin buzǵanyn keshe Tsıýrıhte shyǵatyn Neue Zürcher Zeitung gazeti jarııalady, dep habarlaıdy KTK arnasy.
Esterińizde bolsa, erli-zaıyptylar Almatynyń jerin ońdy-soldy satyp, bala-shaǵasymen Shveıtsarııa asyp ketken edi. Shveıtsarııanyń federaldyq prokýratýrasy bul ekeýiniń el aýmaǵyndaǵy zańǵa qaıshy áreketterine baılanysty qylmystyq is qozǵaǵan bolatyn. Resmı qujattarda Shveıtsarııa men ulttyq qorǵanysqa qarsy baǵyttalǵan qylmystar men quqyq buzýshylyqtar jaıly aıtylǵan. Buǵan tyńshylyq jasaý, áskerı barlaý jáne ózge memlekettiń múddesi úshin aqparat jınaý áreketi jatady. Sóıtip 2008 jyldan beri Jenevada turyp kele jatqan Vıktor Hrapýnovtyń januıasy baqylaýǵa alynǵan. Osynyń bárin tizip shyqqan atalmysh gazet onyń qazir áıelimen ajyrasyp ketkenin jazǵan.
