Vıktor Hrapýnov 17 jylǵa sottaldy
ALMATY. QazAqparat - Almaty qalasynyń burynǵy ákimi Vıktor Hrapýnovqa 17 jyl bas bostandyǵynan aıyrý jazasy taǵaıyndaldy, dep habarlaıdy QazAqparat tilshisi.
«Vıktor Hrapýnov jasaǵan qylmystary úshin kináli dep tanylyp, oǵan múlkin tárkileýmen birge maksımaldy qaýipsizdigi bar qylmystyq-atqarý júıesinde 17 jyl bas bostandyǵynan aıyrý jazasy belgilengen. Sondaı-aq, ol Ulttyq bank, qarjy mekemeleri, memlekettik uıymdar men basqa da mekemelerde qyzmet atqarý quqyǵynan aıyryldy», - dedi sot úkimin oqyǵan sýdıa.
Sonymen qatar, V.Hrapýnov barlyq marapattary men ordenderinen aıyryldy.
Almaty qalasy eks-ákiminiń zaıyby Leıla Hrapýnova 14 jylǵa bas bostandyǵynan aıyryldy, al kúıeý balasy Aııar Іlııasov 5 jylǵa sottaldy.
Qazaqstannan 2017 jyly ketken aıyptalýshylarǵa qatysty sońǵy sot protsesi syrttaı ótti.
Hrapýnovtar isi boıynsha 200-den astam kýáger bolǵan, is materıaldary 400 tomnan quralǵan.
Sot qaraýyndaǵy bas fıgýranttardan basqa, bul is boıynsha erli-zaıyptylarmen birge jumys istegen taǵy 9 adam ótti.
Eske sala keteıik, erli-zaıypty Hrapýnovtar memlekettik múlikti urlaý, alaıaqtyq jasaý, qyzmettik ókildikterin asyra paıdalaný, para alý jáne urlaǵan múlikti zańdastyrý boıynsha aıyptalyp otyr. Memleketke keltirilgen shyǵyn kólemi 250 mıllıon dollardan asqan. Taıaýda sot otyrysy kezinde prokýror qylmyskerlerge 20 jyl jaza taǵaıyndaýdy suraǵan bolatyn.
