Vıktor Drýzın jasóspirimder arasyndaǵy álem chempıonatynda ártistik júzýden qola aldy
ASTANA. KAZINFORM - Ártistik júzýden Qazaqstan ulttyq quramasynyń ókili Vıktor Drýzın Býdapeshtte (Vengrııa) ótip jatqan jasóspirimder arasyndaǵy álem chempıonatynda qola júldege ıe boldy, dep habarlaıdy Ulttyq olımpıada komıteti.
Qazaqstandyq sportshy tehnıkalyq baǵdarlamada úshinshi oryn aldy. Vıktor Drýzın saıys nátıjesi boıynsha 238,5317 upaı jınady.
Reseı ókili Zahar Trofımov (241,2409 upaı) jarys jeńimpazy atandy. Ekinshi oryndy Ispanııa sportshysy Eneko Sanches Agılar (240,5016 upaı) ıelendi.
Aıta keteıik, álem chempıonaty búgin, 12 tamyzda bastaldy. Birinshi jarys kúninde Qazaqstan quramasy toptyq básekede de tehnıkalyq baǵdarlama boıynsha óner kórsetedi.
Osyǵan deıin Vıktor Drýzınniń ártistik júzýden Azııa chempıony atanǵany týraly jazdyq.
