Vıktor Demıanenko: Golovkın-Alvares aıqasynda eki jaqty soqqy almasý bolady
ASTANA. QazAqparat - Qazaqstandaǵy kásipqoı boks federatsııasynyń vıtse-prezıdenti Vıktor Demıanenko Sports.kz-ke Gennadıı Golovkın men meksıkalyq Saýl Alvarestiń aldaǵy aıqasy týraly pikir bildirdi.
«Jaqsy jekpe-jek bolady dep esepteımin. Sebebi olardyń ekeýi de - shabýyldaýshy boksshylar. Biz eki jaqty soqqy almasatyn aıqasty kórýimiz múmkin jáne ol óte qyzyqty bolady. Eki boksshy da tehnıkalyq jaǵynan jaqsy daıyndalǵan - uzaq qashyqtyqta, alma-kezek, qarsy shabýylda jumys jasaıdy, sondyqtan aıqas qyzyqty ótedi. Biz búgin jekpe-jekti qyzyqty etý úshin «Kanelonyń» Chaveske jumys jasaýyna múmkindik bergenin tamashaladyq. Golovkınmen bári basqasha bolady. Gennadıı - jınaqy ári jyldam qımyldaıtyn boksshy», - dedi ol.
