Vıkıpedııanyń qazaq tilindegi reıtıngi 127-shi orynnan 35-shi orynǵa kóterildi

Bul týraly búgin Májilistiń Áleýmettik-mádenı damý komıtetiniń keńeıtilgen otyrysynda «Memlekettik tildi damytýdaǵy problemalar týraly» máseleni talqylaý barysynda Mádenıet jáne aqparat vıtse-mınıstri Arman Qyryqbaev málim etti.

«Halyqaralyq Vıkıpedııa portalyn qazaq tilindegi materıaldarmen tolyqtyrý boıynsha jumystar iske asyrylýda. Osy jyldyń ózinde bul portalǵa 100 myńnan astam materıaldar ornalastyryldy. Soǵan oraı, Vıkıpedııanyń qazaq tilindegi nusqasynyń reıtıngi 127-shi orynnan 35-shi orynǵa kóterildi», - deıdi Arman Qyryqbaev.

Sonymen qatar, vıtse-mınıstr jańa fılmdik týyndylarǵa toqtala kele, «Qazaqfılmniń» sońǵy ónimderiniń barlyǵy memlekettik tilde nemese mindetti túrde qazaq tilindegi dýblıajymen shyǵarylyp jatqanyn aıtty. Al qazaq tilindegi ádebıetterge keletin bolsaq, 25 tomdyq «Álemdik klassıka», 15 tomdyq  balalar ádebıeti, búldirshinderge arnalǵan 60 tomdyq ertegiler men ózge de ádebıtetter jaryqqa shyqqan.