«Vıkıpedııa» JI kómegimen jazylǵan maqalalardy jarııalaýǵa tyıym saldy
ASTANA. KAZINFORM – «Vıkıpedııa» redaktorlarǵa maqalalar jazǵan nemese kóshirgen kezde generatıvti jasandy ıntellekt (JI) paıdalanýǵa tyıym saldy.
Jańa saıasat daýysqa salynyp, redaktorlardyń basym qoldaýyna ıe boldy: 40 adam qoldap daýys berse, tek ekeýi qarsy shyqty.
- ChatGPT, Gemini jáne DeepSeek sııaqty iri tildik modelder kómegimen qurylǵan mátin kóbine Vıkıpedııanyń kontentke qatysy bar birneshe negizgi erejesin jıi buzady, - delingen entsıklopedııa saıtynda.
Osy sebepti maqala mazmunyn jasaý nemese kóshirý úshin jasandy ıntellektini paıdalanýǵa tyıym salynady, tek eki erekshe jaǵdaı bar:
* redaktorlar óz mátinderin qarapaıym tekserý úshin úlken tildik modelderdi paıdalana alady, biraq mátin dáldigin adam teksergen jaǵdaıda ǵana;
* redaktorlarǵa sondaı-aq «Vıkıpedııada» basqa tilderdegi maqalalardy aǵylshyn tiline aýdarý úshin jasandy ıntellektini paıdalanýǵa ruqsat etiledi, eger redaktorlar qatelerdi tekserý úshin eki tildi de jaqsy bilgen jaǵdaıda ǵana.
- Men bul keń aýqymdy ózgeristerge túrtki bolady dep shyn júrekten úmittenemin. Bul qaýymdastyqtarǵa basqa platformalarda múmkindikterin keńeıtýge jáne muny óz qaýymdastyqtarynda jasandy ıntellektini qalaı jáne qandaı dárejede qabyldaý kerektigin sheshetin paıdalanýshylardyń jappaı qozǵalysyna aınaldyrady, - dedi Wikipedia ákimshisi.
Aıta ketý kerek, bul shekteý tek aǵylshyn tilindegi bólimge ǵana qatysty.
Eske sala ketsek, 2025 jyldyń qazan aıynda amerıkalyq kásipker ári mıllıarder Ilon Mask Wikipedia-ǵa básekeles bolyp tabylatyn Grokıpedııany iske qosty.
