Vıkıngterdiń qazynasy tabyldy
ASTANA. QazAqparat - Fınlıandııanyń ońtústik bóliginen vıkıngterge tıesili bolǵan qazyna tabyldy. Mamandardyń aıtýynsha, Hıameenkoskı aımaǵynyń jerinen shyqqan 300 eski tıyndarǵa anaý-mynaý emes myń jyl ýaqyt bolǵan.
Jalpy bul vıkıngter ómir súrgen dáýirden beri tabylǵan eń iri qazyna eken. Tıyndardyń jaqsy kúıde saqtalyp qalýy da zertteý jumystarynyń qundylyǵyn arttyra túsedi. Ǵalymdar qaýymy úshin úlken olja sanalatyn osy qazynany aqtarystyrǵan kezde ishinen germandyq jáne vızantııalyq tıyndar tabyldy.
Arheologtar bul qazynany ıesi kezinde ádeıi jasyrǵanyn aıtyp otyr. Jalpy bul qundylyqty tapqan ǵalymdar tobynyń jıi joly bolyp, nebir mańyzdy jádigerlerdi jer betine qazyp shyǵarady eken, dep habarlaıdy 24.kz Yle.fi-ge silteme jasap.
