VIII qysqy Azııa oıyndarynda el namysyn kim qorǵaıdy
ASTANA. QazAqparat - Aqpannyń 19-26-sy kúnderi Japonııanyń Sapporo qalasynda ótetin VIII qysqy Azııa oıyndarynda el namysyn qorǵaıtyndardyń basym bóligi ekinshi quramdaǵy sportshylar bolady, dep xabarlaıdy QazAqparat tilshisi.
"Sapporoda sportshylar 11 sport túrinen 64 medal úshin talasady. Qazaqstan delegatsııasynyń deni ekinshi quramdaǵy sportshylar bolady. Degenmen, olardyń arasynda birneshe kóshbasshymyz da óner kórsetedi. Olar - mánerlep syrǵanaýshylar Denıs Ten, Elızabet Tursynbaeva, konkıshiler Roman Krech, Denıs Kýzın, Ekaterına Aıdova jáne shańǵyshy Nıkolaı Chebotko. Atalǵan sport dodasynyń ashylý saltanatynda Qazaqstannyń Týyn jańǵy jarysynan bes dúrkin el chempıony Eldos Ahmadıev alyp shyǵady", - deıdi Ortalyq kommýnıkatsııalar qyzmetiniń resmı ókili Murat Jumanbaı búgingi brıfıngte.
Aıta ketelik, Japonııanyń Sapporo qalasynda ótetin VIII qysqy Azııa oıyndaryna qatysatyn el sportshylarynyń tolyq tizimi budan buryn habarlanǵan bolatyn.
Brıfıng kezinde Ortalyq kommýnıkatsııalar qyzmetiniń resmı ókili erteńgi Úkimet otyrysynda qaralatyn máselelerdi dejarııalady. Sondaı-aq ol Almaty qalasynda monopolııaǵa qarsy Eýrazııalyq forýmnyń ótetini jaıynda da málim etti.
