VII-shi Qysqy Azııa oıyndarynyń Bas demeýshisi Azıadaǵa 3 mlrd. teńge qarajat bóldi
ASTANA. Qyrkúıektiń 8-i. QazAqparat /Jasulan Amanbaıuly/ - «Samuryq-Qazyna» Ulttyq ál-aýqat Qory VII-shi Qysqy Azııa oıyndarynyń resmı Bas demeýshisi boldy. Demeýshilik pakettiń jalpy somasy 3 mlrd. teńge. Búgin «Samuryq-Qazyna» ál-aýqat qory jáne VII-shi Qysqy Azııa oıyndary uıymdastyrý komıteti dırektsııasy arasynda qol qoıylǵan yntymaqtastyq týraly memorandým aıasynda, bas demeýshilik týraly barlyq máseleler túpkilikti sheshimin tapty, dep habarlaıdy QazAqparat.
Qordyń Basqarma múshesi, basqarýshy dırektor Qaırat Áıtekenovtiń aıtýynsha, demeýshilik jasaı otyryp, «Samuryq-Qazyna» Qory Azııa oıyndary arqyly qazaqstandyq kompanııalardy tanytyp, osy aımaqta olardyń jańa áriptestikter ornatýlaryna múmkindikter ashýdy kózdeıdi.
«Bas demeýshiliktiń negizgi mańyzy aqsha bólýde emes, memlekettik qordyń jaǵymdy beınesin tanytý. Memlekettik baǵdarlamalardyń operatory bolyp tabylatyn Ulttyq ál-aýqat qory bul mindetti abyroımen atqarady. Aýqymdy ári mańyzdy sharaǵa jáne elde buqaralyq sporttyń damýyna serpin berý - biz úshin prıntsıpti is bolyp tabylady», dedi Q. Áıtekenov.
Demeýshilikten túsken qarajat oıyndy ótkizý, uımdastyrý jáne ımıdj qalyptastyrý úshin jumsalady. Azıadanyń uıymdastyrý komıteti barlyq sporttyq nysandarǵa biryńǵaı baqylaý bıleti júıesin engizýdi josparlaýda. Josparǵa sáıkes sporttyq nysandardy ınfraqurylymdyq jaǵynan jetildirý, qosymsha testik jarys ótkizý, sonymen qatar aýqymdy aqparattyq jumys jasaý kózdelýde. Sonymen qatar Azıada ıdeıasy halyqaralyq deńgeıde nasıhat tappaq.
Jalpy uıymdastyrý komıteti 6 dáreje boıynsha 43 demeýshilik paket jasaqtaǵan.
