VII Qysqy qaıyrymdylyq qory qorytyndysy boıynsha 13 mln. teńgeden astam qarajat jınaldy

ASTANA. QazAqparat - «Nur Otan» partııasynyń qoldaýymen  Radisson Hotel Astana qonaqúıinde VII Qysqy qaıyrymdylyq baly ótti. Barlyq qarajat partııanyń «Baqytty balalyq» jobasy sheńberinde balalar úıiniń tárbıelenýshileri men az qamtylǵan otbasynan shyqqan balalarǵa arnalǵan bilim berý baǵdarlamalaryn qoldaýǵa jumsalatyn bolady.

 Bal uıymdastyrýshylary «Bolashaq» qaýymdastyǵy jáne Radisson Hotel Astana.

Bıylǵy jyly Balda erekshe bir jaǵdaı sezildi. Qar mezeti - sıqyr men ertegi mezeti. VII Qysqy qaıyrymdylyq baly dál osy jelide ótti.   

Kesh qonaqtaryna «Bolashaq» qaýymdastyǵy Keńesiniń Tóraǵasy, «Nur Otan» partııasy Tóraǵasynyń birinshi orynbasary Baýyrjan Baıbek óz quttyqtaý sózin arnady.

Ádettegideı kesh debıýtanttardyń oryndaýyndaǵy klassıkalyq polonez bıimen ashyldy. Olar Balda kesh qonaqtaryn venalyq valstan bastap áserli rok-n-rollǵa deıingi tamasha bılerimen qýantty. «Qazaqstan Arýy-2013» Aıdaı Isaeva da VII Baldyń debıýtanty atandy.  

Ertegi jelisindegi keshti qazaqstandyq estrada juldyzdary jalǵastyrdy.  Pıanıst-vırtýoz Oleg Pereverzev biregeı vırtýozdy shoýmen tań qaldyrsa,  «ChickFlick» toby men ánshi Aıjan Sultannyń ónerleri de odan kem túsken joq. Kópten kútilgen «Turkvision-2014» halyqaralyq án baıqaýynyń jeńimpazy Janar Duǵalovanyń óneri keshtiń sánin kirgizdi, ol búgingi kúni hıtke aınalǵan «Іzin kórem» ánin oryndady.       

«Osy tamasha balǵa qatysý usynysyn men qýana-qýana qabyl aldym. Menińshe, mundaǵy qonaqtar, ártister men bıshiler - barlyǵy da bir ıgi iske úles qosýda. Negizi, osyndaı qaıyrymdylyq sharalardyń barynsha jıi ótkizilgenin qalaımyn», - dep bólisti óz oıymen Janar Duǵalova.

Keshtiń sharyqtaý shegi kartınalar men óner týyndylarynyń aýktsıony boldy. Aýktsıonǵa qoıylǵan Gennadıı Golovkınniń qoltańbasy bar bokserlik qolǵap, «Týr de frans» jeńimpazy Vınchentso Nıbalıdiń sary jeıdesi jáne  Mesýt Ozıl, Aaron Remzı, Djek Ýılsher, Denı Ýelbek pen Olıve Jırý sekildi klýb juldyzdarynyń qoltańbalary bar «Arsenal» fýtbol klýbynyń biregeı doptary men jeńil jeıdeleri «erekshe básekelespen» satyldy. Ertegi jelisindegi baldyń eń bir keremet kezi - Rosita, Pasha, Luxury House, Life Fitness, Toni&Guy jáne taǵy basqa brendter atynan baǵaly júldeler men syılyqtarynyń utys oıyny boldy.