«VII qysqy Azııalyq oıyndardy nasıhattaýǵa arnalǵan motojoryq aıaqtaldy» - baıker Dmıtrıı Petrýhın

Sportshynyń aıtýynsha, Azıada ol úshin - ómiriniń qazirgi kezeńindegi eń basty oqıǵa. «Meniń jobamnyń maqsattylyǵyna jáne onyń júzege asatyndyǵyna senimsizdik bildirgender bolǵanyn jasyrmaımyn. Biraq o basta, osynaý sharaǵa bel býǵan 2007 jyly, men ózime qatty sendim. Al maǵan senim bildirgenderdiń úmitin aqtadym. Joryqtyń oıdaǵydaı aıaqtalǵanyna baqyttymyn. Osy jyldary Azıadaǵa degen ystyq sezim meniń júregimde boldy», - dedi ataqty baıker QazAqparat tilshisine bergen suhbatynda.

D.Petrýhın, birneshe jylǵa sozylǵan osynaý joryqtyń barysynda 45 elde kóptegen kezdesýler ótkizgenin eske aldy. «Ásirese, 2010 jyldyń jeltoqsan aıynda Gonkongta Azııa elderiniń 35 bas konsýlynyń aldynda sóılegen sózim esimnen shyqpaıdy. Men jınalǵan qaýymǵa elimizdiń qol jetkizgen jetistikteri týraly, Qazaqstannyń EQYU-ǵa tóraǵalyǵy men Astana sammıti týraly áńgimelep berdim. Ótken jyldyń, jas memleketimizdiń tarıhyndaǵy aıtýly jyldardyń biri bolǵanyn senimmen aıta alamyn», deıdi ol.

Baıkerdiń aıtýynsha, búgin álemde Qazaqstan týraly bilmeıtin el kemde-kem. Bizdiń elimizdi Pákistan, Aýǵanstan, Iran elderimen az salystyratyn bolǵan. Qazaqstandy álem jurtshylyǵy Elbasy Nursultan Nazarbaevtyń atymen tanıdy.

Baıker sondaı-aq, onyń saıahaty, sporttyń - naǵyz álem elshisi ekenin taǵy da pash etkenin aıtyp ótti «Sport ıdealdaryn saqtaý jáne damytý kerek. Jáne álem elderi óz kúshterin tek sporttyq arenalarda kórsetýleri kerek», - deıdi tanymal baıker.