VII Qysqy Azııa oıyndaryyń Alaý estafetasyna barlyǵy 1020 alaýger iriktep alynady - N.Nurov
ASTANA. Qazannyń 6-sy. QazAqparat /Gúlmıra Álıakparova/ - 2011 yly astana men Almatyda ótetin VII Qysqy Azııa oıyndarynyń Alaý estafetasyna barlyǵy 1020 alaýger iriktep alynady. Bul týraly búgin «Nur Otan» HDP-nyń Ortalyq apparatynda ótken brıfıngide Aq Azıadany ótkizý boıynsha elordalyq dırektsııanyń dırektory Naıl Nurov málim etti.
«Azııa oıyndarynyń tarıhynda alǵash ret qysqy Alaý estafetasy ótkiziledi. Ol qańtardyń 11-i kúni Azııa oıyndarynyń shtab-páteri ornalasqan Ál-Kýáıt qalasynda tutanady. Qańtardyń 12-sinen bastap alaý elimizdiń barlyq óńirlerin aralaıdy da, qańtardyń 30-y kúni Astanaǵa jetkiziledi. «Astana-Arena» stadıonynda ótetin Azııa oıyndarynyń ashylý saltanaty barysynda Olımpıada alaýynyń basty qazandyǵy jaǵylady», - dedi N.Nurov.
Onyń aıtýynsha, Alaý estafetasyna 1020 alaýger iriktep alynady. Onyń 100-i Estafeta alaýyn - elordada, 80 - Almatyda jáne 60 - árbir oblys ortalyqtarynda alyp júredi.
