VII Qysqy Azııa oıyndarynyń jabylý rásimi Almatyda bolady - Elbasy
LMATY. Shildeniń 13-i. QazAqparat /Erlik Erjanuly/ - 201 kúnnen keıin Astanada jalaýy kóteriletin VII Qysqy Azııa oıyndarynyń jabylý rásimi Almatyda ótetin boldy.
Bul týraly búgin Elbasynyń Balýan Sholaq atyndaǵy sport saraıyndaǵy kúrdeli jóndeý jumystarynyń barysymyn tanysýy kezinde aıtyldy.
«Memleket basshysy Astana men Almaty qalalarynda ótetin VII Qysqy Azııa oıyndarynyń jabylý rásimi Almatydaǵy Balýan Sholaq atyndaǵy sport saraıynda ótetinin aıtty. Qazirgi tańda jóndeý jumystarynyń 95 paıyzy aıaqtalǵan bul keshende shaıbaly hokkeı jarystary ótetin bolady», deıdi Balýan Sholaq atyndaǵy sport saraıynyń dırektory ıÝrıı Zaharın. 2008 jylǵy qazannyń 15-inde bastalǵan jóndeý jumystary jyl sońyna deıin tolyqtaı aıaqtalatyn bolady. Oǵan 21 mıllıard teńgeden astam qarjy jumsalmaq.
Jalpy VII Qysqy Azııa oıyndaryna 30 memlekettiń sportshylary sporttyń 11 túrinen synǵa túsedi. Bıyl jóndeý jumystary kezinde qosymsha myń oryndyq qoıylyp, trıbýnadaǵy kórermender orny 5 myń adamǵa deıin ulǵaıtylǵan bul spor saraıynda erler men áıelder arasyndaǵy shaıbaly hokkeı oıyndary ótetin boldy. Buǵan deıin onda ár jyldary boksshylar, voleıbolshylar, dzıýdoshylar, gımnasshylar, gandbolshylar mánerlep syrǵanaýshylar, hokkeıshiler jáne taǵy basqa da kóptegen túrli sport túrleri boıynsha árqıly sport jarystary ótip kelgen bolatyn. Endi onda osy aıdyń aıaq shenine taman dzıýdodan Álem kýbogy básekesi ótpek.
