VII qysqy Azııa oıyndarynda qyzmet kórsetetin qonaqúılerdiń as máziri «Halal» standartyna saı bolýy tıis

Bul týraly búgin Astanada ótken baspasóz máslıhatynda «2011 jylǵy VII qysqy Azııa oıyndaryn uıymdastyrý komıtetiniń atqarýshy dırektsııasy» AQ vıtse-prezıdenti Abzal Álibekov málim etti.

Onyń sózine qaraǵanda, búgingi tańda Astana jáne Almaty qalalary boıynsha barlyǵy 28 qonaqúı tańdalyp, osy qyzmet kórsetý ortalyqtarymen arnaıy kelisimsharttar jasaý josparlanyp otyr. «Azııa oıyndary kezinde qatysýshylarǵa qyzmet kórsetetin qonaqúılerdi irikteý kezinde olardyń qaýipsizdik, shet tilin bilý, nómirlerdiń yńǵaılylyǵy men syıymdylyǵyna basa nazar aýdaryldy. Sondaı-aq qonaqúılerdiń as máziri «Halal» memlekettik standartyna saı bolýy tıis. Sebebi oıyndarǵa qatysatyn elderdiń basym bóligi musylman dinin ustanady. Qazirgi kezde Astanada - 9, al Almaty qalasynda 19 qonaqúı Azııa oıyndaryna qatysatyn sportshylar men delegattarǵa qyzmet kórsetýge múmkindik alyp otyr», - deıdi A.Álibekov.