VII Qysqy Azııa oıyndaryn ótkizýge qajetti taýarlar ımporttyq taýarlyq alymnan bosatylýy múmkin
; ALMATY. Maýsymnyń 7-si. QazAqparat /Erlik Erjanuly/ - Parlament Májilisine jaqynda "Investıtsııa týraly" zańǵa jańa ózgerister jobasy usynylady. Bul búgin Almatyda ótip jatqan "Keden odaǵynyń biryńǵaı keden aımaǵyndaǵy memlekettik retteýdiń teorııalyq jáne tájirıbelik aspektileri" dep atalatyn konferentsııada aıtyldy,
dep habarlaıdy QazAqparat.
"Qazirgi tańda "Investıtsııa týraly" zańǵa qajetti ózgerister engizý qarastyrylyp jatyr. Onda - 2010-2019 jyldary qant quraǵy shıkizatyn ónerkásiptik óńdeý úshin Qazaqstan aýmaǵynda kedendik alymnan bosatý bekitildi. Sondaı-aq Astana men Almatyda 2011 jyly VII Qysqy Azııa oıyndaryn ótkizý maqsatynda tasymaldanatyn qajetti taýarlardy da ımporttyq taýarlyq alymnan bosatý qarastyrylyp otyr", deıdi Ekonomıkalyq damý jáne saýda mınıstrliginiń BKU kelisimi saýda saıasatyn damytý ortalyǵy departament dırektorynyń orynbasary Ernar Bakenov. Qazaqstannyń ishki saýda saıasatyn taldaý jónindegi jumys toby jetekshisiniń sózine qaraǵanda, zań jobasynda Keden odaǵyna qatysýshy memleketterdiń ortalyq bankteri ákeletin altyn kesekterine de kedendik alymnan bosatý bekitilgen.
