VII Qysqy Azııa oıyndary Alaý estafetasynyń alaýgerleri eń laıyqtylar ǵana bolady
ASTANA. Qazannyń 6-sy. QazAqparat - 2011 jyly Astana men Almatyda ótetin VII Qysqy Azııa oıyndary Alaý estafetasynyń alaýgerleri sportta joǵary jetistikterge jetken jáne belsendi ómirlik ustanymdary bar qazaqstandyqtar bolady. Bul týraly búgin Astanada ótken brıfıngte «Nur Otan» HDP Ortalyq apparaty basshysynyń orynbasary Muhtar Erman aıtty.
«Bir aı buryn «Mádenı Azıada» úlken jobasy týraly aıtqan bolatynbyz. Joba búginde bastaldy. Endi biz 2011 jylǵy Qysqy Azııa oıyndary Alaý estafetasyna daıyndyq barysy týraly habarlamaqpyz. Alaý estafetasy - kez-kelgen olımpıadanyń eń alǵashqy jáne eń este qalarlyq merekelik kórinisi», - dedi M.Erman.
Onyń aıtýynsha, «Nur Otan» HDP jáne VII Qysqy Azııa oıyndary men Olımpıada Alaýy estafetasyn uıymdastyrý dırektsııasy alaýgerlerdi irikteýdi bastady.
