VII halyqaralyq Jáýtikov olımpıadasyna 14 eldiń ókilderi qatysýda
ATY. 17 qańtar. QazAqparat /Erbol Azanbek/ - Ótken senbi kúni Almatyda matematıka, fızıka, ınformatıkadan VII halyqaralyq Jáýtikov olımpıadasy ashyldy.
Olımpıadaǵa álemniń 14 elinen 46 komanda, 296 úmitker qatysýda. Olardyń bilimin ál-Farabı atyndaǵy QazUÝ rektory Ǵalymqaıyr Mutanov pen QR UǴA akademıgi Asqar Jumadildaev bastaǵan ádilqazylar tarazylaıtyn bolady.
Olımpıadanyń basty maqsaty - oqýshylar arasynda fızıka-matematıka pánderin nasıhattaý jáne halyqaralyq áriptestikti damytý, túrli memleketter arasynda mamandandyrylǵan mektepterdiń dostyq baılanysyn nyǵaıtý, tájrıbe almasý. «Halyqaralyq Jáýtikov olımpıadasy fızıka -matematıka salasynda mamandandyrylǵan mektepter arasynda ótetin erekshe ıntellektýaldyq saıys. Olımpıada sondaı-aq búkilodaqtyq olımpıadalardy jalǵastyrýshy»,- deıdi sharany uıymdastyrýshy Respýblıkalyq fızıka-matematıka mamandandyrylǵan mektebiniń dırektory Qaırosh Mákishev.
