VII halyqaralyq avtosherý Atyraý oblysyna keldi

ATYRAÝ. KAZINFORM – Atyraý oblysyna TMD Atqarýshy komıtetimen Qazaqstan Respýblıkasy Kólik mınıstrliginiń Avtomobıl joldary komıtetiniń qoldaýymen uıymdastyrylǵan jolshylardyń Úkimetaralyq keńesiniń VII halyqaralyq avtosherýi keldi.

Іs-shara belsendi tájirıbe almasý jáne kólik ınfraqurylymyn damytý máselelerin talqylaýalańyna aınaldy. Aýqymdy is-sharany TMD Atqarýshy komıtetiniń, Qazaqstan, Reseı jáne Ózbekstannyń beıindi vedomstvolarynyń qoldaýymen jolshylardyń Úkimetaralyq Keńesi uıymdastyrdy.

Uıymdastyrýshylar halyqaralyq avtosherýdi ótkizý qatysýshy memleketter úkimetteriniń, halyqaralyq uıymdardyń, qarjy ınstıtýttary men bıznes-qoǵamdastyqtardyń nazaryn halyqaralyq avtomobıl joldaryn, «Soltústik-Ońtústik», «Batys-Shyǵys» kólik dálizderin damytý jáne olar boıynsha tasymaldaý máselelerine, sondaı-aq memlekettik shekaralar men kedendik rásimderdi kesip ótý máselelerine aýdarady dep esepteıdi.

Jalpy VII halyqaralyq avtosherý Reseıdiń birqatar qalasyn basyp ótip, budan ári Ózbekstan Respýblıkasyna baǵyttalady.