VII Delfıı oıyndary álemdik qaýymdastyqtyń mádenı ómirindegi mańyzdy oqıǵa boldy - Delfıı komıtetiniń basshysy
ASTANA. 22 qazan. QazAqparat - Halyqaralyq Delfıı komıtetiniń dırektory Vladımır Ponıavın «Jastardyń VII Delfıı oıyndarynyń ashylýy aǵymdaǵy jylǵy álemdik qaýymdastyqtyń mádenı ómirindegi birqatar mańyzdy is-sharalarynyń qatarynan oıyp turyp oryn aldy» dep sanaıdy.
Bul týraly Bilim jáne ǵylym mınıstrliginiń baspasóz qyzmetinen habarlandy.
Mınıstrlik baspasóz qyzmetiniń málimetine qaraǵanda, Halyqaralyq Delfıı komıtetiniń dırektory Vladımır Ponıavın TMD qatysýshy-memleketteri boıynsha VII Delfıı oıyndaryn ashýǵa ázirlik jáne ótkizý jónindegi Uıymdastyrý komıtetiniń tóraǵasy, QR Bilim jáne ǵylym mınıstri Baqytjan Jumaǵulovqa hat joldady. «Sizdi, «Jastar Qýaty» atty TMD qatysýshy-memleketteri jastarynyń VII Delfıı oıyndaryn ótkizý men uıymdastyrýǵa qatysty úlken jumys atqarǵandaryńyzǵa zor alǵys bildirgim keledi. Kúsh-jigerdi biriktire otyryp biz TMD men basqa da shet elderden kelgen ónegeli jastar arasyndaǵy ónerdiń eń joǵary forýmyn naǵyz merekege aınaldyra bildik», - delingen hatta.
Jalpy, halyqaralyq sharaǵa qatysýshy meımandardyń, ádil qazylar men qatysýshylarynyń pikirinshe, Oıyndar joǵary deńgeıde, kásibı jáne kórkemdiktiń joǵary dárejesinde ótti. «Osynyń ózi Delfıı oıyndarynyń álemdik qaýymdastyqtyń mádenı-rýhanı ómirindegi mańyzdy sharalar qatarynan oryn alatynyn bildiredi. Budan keıingi kúnderi de jemisti yntymaqtastyqty jalǵastyrady dep senemiz», - delingen hatta.
