VII Astana ekonomıkalyq forýmyna 100-den astam eldiń 130 mınıstri qatysýda
ASTANA. QazAqparat - Astanadaǵy Táýelsizdik saraıynda VII Astana ekonomıkalyq forýmy óz jumysyn bastady, dep habarlaıdy QazAqparat tilshisi.
AEF - álemdegi eń bedeldi ári iri forýmdardyń biri. 2008 jyldan beri AEF-ta jyl saıyn jahandyq kóshbasshylar, sarapshylar men bıznes-qaýymdastyq ókilderiniń basyn qosyp, qazirgi zamannyń negizgi ekonomıkalyq jáne áleýmettik máseleleri talqylanady. Bıyl bul sharaǵa 10 myńnan astam adam qatysýda.
"Ǵalymdardyń eýrazııalyq ekonomıkalyq klýby" qaýymdastyǵynyń prezıdenti Murat Qarymsaqovtyń aıtýynsha, bıylǵy forýmǵa 9 Nobel syılyǵynyń ıegeri qatysýda. «Laýreattardyń qatysýy dástúre aınalǵan. Bul forýmnyń zııatkerlik, ǵylymı sıpaty basym ekenin taǵy bir dáleldeıdi. Búginde ol álemdik dárejedegi ǵalymdardyń basyn qosatyn birden bir shara bolyp otyr" , - deıdi ol. Onyń málimetinshe, bıylǵy forýmǵa 100 den astam eldiń qarjy ekonomıkalyq blogynan 130 mınıstr keldi. Sondaı-aq, Malaızııanyń premer-mınıstri, Lıvııa, Grýzııa, Polsha, Portýgalııa sııaqty elderdiń premer-mınıstrleriniń orynbasarlary at basyn tiredi.
Forým aıasynda 70-ten astam is shara ótedi dep josparlanǵan.
