«Vygodnyı depozıt»: Aqtóbede úsh jyl buryn sottalǵandar taǵy da jaýapqa tartylyp jatyr
AQTÓBE. KAZINFORM — Qarjy pıramıdasyna aqsha salǵan taǵy 6 jábirlenýshi aryz túsirip, 7 sottalýshy sot aldynda jaýap berip jatyr. Olar ózine taǵylǵan aıypty moıyndamady.
«Vygodnyı depozıt» qarjy pıramıdasyna qatysty is sotta 2021-2023 jyldary qaraldy. 2019 jyly «Vygodnyı depozıt» kompanııasyn ashyp, basshylyq etken D. Aımaǵambetov 10 jylǵa bas bostandyǵynan aıyryldy. Sol jyldary 800-ge jýyq jábirlenýshi tirkelip, shyǵyn 4 mlrd teńgeni qurady.
№ 2 Aqtóbe qalalyq sotynda qazirgi kezde taǵy 6 jábirlenýshiniń talap aryzy qaralyp jatyr. Іs Qylmystyq kodekstiń «Qarjylyq (ınvestıtsııalyq) pıramıdany qurý jáne oǵan basshylyq etý», «Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý» baptary boıynsha qozǵalǵan. Búginde sottalýshylardyń keıbiri jazasyn ótep, bostandyqqa shyqqanymen jańa talap aryz boıynsha qaıta kúdikke ilikti.
— 2019 jyly tamyzda tanysym osy kompanııa týraly aıtty. Tabys tabý úshin 1 300 000 teńge saldym. Kúıeýiniń atynan taǵy 200 000 aýdardym. Ol kezde eki qujatqa da ózim qol qoıdym. Men 227 500 teńgeden úsh ret, kúıeýim 35 000 teńgeden úsh ret aldy. Endi 712 500 teńgeni qaıtarmaı tur, — dedi jábirlenýshi.
Sottalýshylardyń bári de ózine taǵylǵan aıypty moıyndamady, keıbiri jaýap berýden bas tartty. ІT mamany, bas menedjer, keńse taýaryna jaýapty mamandar jaldamaly jumysshy bolǵanyn aıtty. Alaıda olar da mıllıondap óz qarjysyn salyp, keri ala almaǵan. Al «Vygodnyı depozıt» JShS-in ashyp, ony basqarǵan sottalýshy Darhan Aımaǵambetov «Garant 24» qarjy pıramıdasyna aqsha salyp, jumys isteý júıesin úırengen. Sodan soń ózi «Vygodnyı depozıt» kompanııasyn ashqan. Keıin jumysshylardy jınap, Almatydan, Atyraý, Aqtóbeden keńse ashady. Ári qaraı adamdarmen kelisimshartqa qol qoıyp, aqsha, kólik alǵan.
— Qazir mende 128 mln teńge qaryz qaldy. ıAǵnı qaryzdyń 80 paıyzyn ótedim. Men adamdardan aqsha alsam, ony ınvestıtsııaǵa saldym. Sóıtip tabys taýyp, adamdarǵa aýdaryp otyrdym. Men ózime taǵylǵan aıypty moıyndamaımyn, — dedi sottalýshy D. Aımaǵambetov.
Sot jaryssózi kelesi aptada ótedi.
