VI Dúnıejúzilik kóshpendiler oıyndaryna kirý quny belgili boldy

Oıyndar aıasynda kórermender úshin aqyly jáne tegin is-sharalar uıymdastyrylady.

Qyrchyn shatqalyndaǵy mádenı jáne sporttyq sharalarǵa, sondaı-aq Qurmanjan Datqa atyndaǵy Kóshpendiler órkenıeti ortalyǵyna kirý tegin bolady.

Sh.Aıtmatov atyndaǵy «Rýh Ordo» mádenı ortalyǵynda, «Dordoı Nomad» amfıteatrynda jáne Cholpon-Ata qalasynyń ıppodromynda ótetin mádenı sharalarǵa bılet quny 500 som (shamamen 2 632 teńge) bolady.

VI Dúnıejúzilik kóshpendiler oıyndarynyń jabylý saltanatyna bıletter oryn sanatyna qaraı satylady:

• ortalyq jasyl sektordaǵy oryndar — 4 000 som (shamamen 21 000 teńge);
• aq sektordaǵy standartty oryndar — 3 000 som (shamamen 15 750 teńge);
• qyzyl sektordaǵy standartty oryndar — 2 000 som (shamamen 10 500 teńge);
• sary sektordaǵy ekonom sanatyndaǵy oryndar — 1 000 som (shamamen 5 250 teńge);
• kók sektordaǵy ekonom sanatyndaǵy oryndar — 500 som (shamamen 2 625 teńge).
•  

Sonymen qatar Cholpon-Ata qalasynyń ıppodromyna jaqyn ornalasqan jańa Kishi arenada ótetin kókpar men kók-bóri boıynsha fınaldyq oıyndarǵa bılet quny 1 000 som (shamamen 5 250 teńge) bolady.

Aqyly sharalarǵa bıletterdi NEBS.GOV.KG ulttyq elektrondy bılet júıesi arqyly onlaın, sondaı-aq resmı kassalardan oflaın satyp alýǵa bolady.

Osyǵan deıin Dúnıejúzilik kóshpendiler oıyndaryna Mońǵolııadan 135 sportshy men jattyqtyrýshy qatysatynyn jazǵanbyz.

Sondaı-aq 2026 jylǵy Dúnıejúzilik kóshpendiler oıyndarynyń talısmany retinde ilbis tańdalǵany habarlanǵan edi. Oǵan Bataı degen esim berildi.

Qyrǵyzstannyń Dene shynyqtyrý jáne sport jónindegi memlekettik agenttiginiń málimetinshe, VI Dúnıejúzilik kóshpendiler oıyndarynda kók bóri men kókpar jarystary jeke-jeke sporttyq dıstsıplına retinde ótkiziledi.

Qyrǵyzstandaǵy Kóshpendiler oıyndaryna kórermenderdi 300 avtobýs tegin jetkizetini aıtyldy.