Vıdeoregıstratory joq saqshylar júrgizýshige shara qoldana almaıdy - QR ІІM
ASTANA. QazAqparat - Vıdeotirkegishi joq tártip saqshylary jol qozǵalysynyń erejesin baqylaýǵa jiberilmeıdi. Bul týraly Astanada ótken baspasóz máslıhaty barysynda QR ІІM Ákimshilik polıtsııa komıteti tóraǵasynyń orynbasary Álibek Keńispaev atap ótti, dep habarlaıdy «QazAqparat» HAA tilshisi.
«Búginge deıin polıtsııa qyzmetkerleriniń 80 paıyzy vıdeoregıstratormen qamtamasyz etilgen. Jyldyń sońyna deıin bul baǵytta jumys júrgiziledi», - deıdi Álibek Keńispaev.
Onyń aıtýynsha, jol erejesin buzǵan adamnyń áreketi naqty aıǵaqpen dáleldenýi kerek.
«Iá, shynynda da, vıdeoregıstratormen qamtamasyz etilmegen polıtsııa avtopatrýli jol qozǵalysyn baqylaýǵa jiberilmeıdi. Óıtkeni, naqty faktiler men aıǵaq mindetti túrde vıdeoregıstratorǵa tirkelýi kerek», - deıdi ol.
