Vıdeooıynnan franshızaǵa deıin: Pokémon 30 jyldyǵyn atap ótip jatyr

ASTANA. KAZINFORM - Japonııada Pokémon Red and Green serııasynyń alǵashqy oıyndary shyqqanyna 30 jyl boldy. Atalǵan oıyndar búginde álemdik oıyn-saýyq ındýstrııasynyń sátti ári yqpaldysy bolyp otyr.

Búginde Pokémon-dy vıdeooıyndardan ǵana emes, sonymen qatar anımatsııalyq serıaldar, kollektsııalyq karta oıyndary men ózge de kóptegen baǵyttardan kórýge bolady.

Oıyn 1996 jyly alǵash ret Nintendo Game Boy portatıvti konsolıine shyqqanda onyń osynshalyq tanymal bolatynyn eshkim de oılamady.

Alaıda oǵan degen adamdardyń jaqsy kózqarasy men baǵasynyń arzandyǵyna baılanysty alǵashqy jyldyń ózinde mıllıonnan astap kóshirme satyldy, dep jazady VVS.

Tanymal anımatsııalyq serıal jáne onyń negizinde shyqqan kollektsııalyq kartalyq oıyn (TCG) bul qubylysty aýqymdy trendke aınaldyrdy. Ol sonshalyq keń taralyp, BAQ oǵan «Pokemanııa» degen ataý berdi.

2016 jyly brend GPS pen qurylǵy kamerasyn paıdalanyp, vırtýaldy keıipkerlerdi naqty ortada kórsetýge múmkindik bergen Pokémon GO mobıldi oıynyn shyǵaryp, ekinshi jahandyq tolqynnyń bastalýyna sebep boldy.

Sodan beri qosymsha bir mıllıardtan astam ret júktelgen.

COVID-19 pandemııasy kezinde Pokémon-ǵa qatysty kontent kólemi kúrt artty.

Pokémon negizgi serııasynyń sońǵy bólimderi, áli de bastapqy ázirleýshi Game Freak tarapynan shyǵarylyp keledi, alaıda grafıkadaǵy jańashyldyqtyń jetkiliksizdigi úshin synǵa ushyrady.

Sonymen birge sońǵy oıyn — Pokémon Legends ZA geımpleıi úshin birqatar synshylar tarapynan joǵary baǵalandy jáne Nintendo málimetinshe, 12 mıllıonnan astam danamen satylǵan.

Osyǵan deıin Japonııada Nissan satylymy 30 jylda eń tómengi deńgeıge túskeni týraly jazdyq.