«Vıdeony jelige taratamyn»: Aqtóbe turǵynyn bopsalaǵandar ustaldy
AQTÓBE. QazAqparat – Aqtóbede qala turǵynyn bopsalap júrgen eki turǵyn ustaldy, dep habarlaıdy QazAqparat tilshisi.
8 qazan kúni Aqtóbe oblystyq Polıtsııa departamentine qala turǵyny shaǵym túsirgen. Onyń aıtýynsha, belgisiz adam 1 qazannan bastap jeke basqa qatysty vıdeony áleýmettik jelige taratatynyn aıtyp, qorqytqan. Solaı, aqsha bopsalap, 700 myń teńge talap etken.
«12 qazan kúni oblystyq Polıtsııa departamentiniń krımınaldyq polıtsııa basqarmasy jáne arnaıy jasaq 600 myń teńge alyp jatqan jerinen eki kúdiktini ustady. Onyń biri Temir aýdanynyń, ekinshisi Aqtóbe qalasynyń týmasy. Oqıǵa ornynan zattaı aıǵaq retinde 600 myń teńge men beınematerıal alyndy. Kúdiktiler «eshqaıda ketpeý» týraly qolhatpen jiberildi», - dep habarlady oblystyq PD baspasóz qyzmetinen.
Oqıǵa boıynsha Qylmystyq kodekstiń «Qorqytyp alý» baby boıynsha iz qozǵaldy.
