Vıdeograf qysqy Býrabaıdyń ásem tabıǵatyn kórsetti
Tanymal vıdeograf Serikbaı Jánibekov qysqy Býrabaıdyń ásem tabıǵatyn kórsetti, dep habarlaıdy Kazinform.
Tsıfrlyq kontentte aq qar jamylǵan Abylaı han alańy, Oqjetpes, Jumbaqtas syndy Býrabaıdyń kórikti oryndaryn tamashalaýǵa bolady.
Posmotret etý pýblıkatsııý v Instagram
Aıta keteıik, Býrabaı kýrortynda týrıster úshin qysqy maýsym ashyldy. Býrabaıdyń áıgili ormandaryna, móldir kólderine jyl saıyn júzdegen myń týrıst keledi. Bul aımaq qys mezgilinde de tańǵajaıyp sulýlyǵymen tańǵaldyrady.
Budan bólek, kýrorttyq aımaqtaǵy «Qazaqstan Laplandııasy» jańartylyp, esigin aıqara ashyp, qonaqtaryn kezekti márte qarsy alýdy bastady. Kelgen adamdardy Santa Klaýstyń elf-kómekshileri esik aldynan kútip alyp, rezıdentsııaǵa saıahat jasaýǵa shaqyrady.
Al BurabayLand otbasylyq oıyn-saýyq saıabaǵynda jurtshylyq ertegi álemine túskendeı kúı keshedi. Kóptegen týrıst úshin bul saıabaqqa jyl saıyn kelip turý dástúrge aınalǵan.
Jyl sońyna deıin týrıster sany 1,2 mıllıonnan asady degen boljam bar. Onyń ishinde óz azamattarymyzdyń úlesi 940,8 myń adam.