VICh-ten emdeıtin dári birneshe aıdyń ishinde daıyn bolmaq
ASTANA. 30 sáýir. QazAqparat - Adamdy VICh-ınfektsııasynan emdeıtin dári jasalýyna birneshe aı qaldy. Danııanyń jańa emdeý tehnologııasymen aınalysyp jatqan zertteýshileri osyndaı málimdeme jasady, dep habarlady MedıkForým saıty.
Aarhus University ýnıversıteti janyndaǵy gospıtaldiń ǵalymdary adam DNK-synan AQTQ-ny (VICh) julyp alatyn tehnologııany jasap shyǵardy. Ol ımmýndyq júıeni vırýsti joıýǵa ıkemdeıdi. Qazirgi kezde zerthanalyq synaqtar aıaqtaldy. Endi adamdarǵa alǵashqy tájirıbe bastaldy. Ǵalymdar VICh-ke qarsy álemdegi alǵashqy dárini shyǵaratyn kún alys emes degen úmitte.
Qazir VICh-ten emdelýdiń jańa tehnologııasyn 15 erikti patsıent ózderinde synaqtan ótkizýde. Ol óziniń tıimdiligin kórsetken jaǵdaıda tájirıbege VICh-ke shaldyqqan kóptegen adamdar tartylmaqshy. Zertteýshiler jetekshisi doktor Ole Sogard óz jobasynyń «júz paıyz derlik» tabysty bolatynyna senimdi.
«Bizdiń mindetimiz adamnyń ımmýndyq júıesin tanyp, vırýsty joıýyna úıretý, - deıdi doktor Sogard. - Buǵan naqty árbir adamnyń ımmýnıtetiniń sezimtaldyǵy men kúshine qaraı tolyq qol jetkizýge bolady».
Bul qýanyshty habar buǵan deıin sátsiz aıaqtaǵan eksperımentten keıin belgili boldy. Munyń aldynda amerıkandyq úkimet 2 504 adam qatysqan VICh HVTN 505 vırýsynan emdeıtin vatsınany klınıkalyq synaqtan ótkizýdi toqtatý týraly sheshim qabyldaǵan bolatyn. Kádimgi salqyn tııýden bolǵan vırýske negizdelgen vaktsına organızmge VICh genin jetkizip, ınmmýndyq júıeniń nazaryn aýdarýǵa tıis bolatyn, alaıda vaktsına tıimsiz bolyp shyqty.
